كيف نتوما ؟؟ لاباس عليكم .. بخير..
المهم انا فهذا الموضوع ساكتب بعض النكت المغربية وباللهجة المحلية ... طبعا اهديها للمغاربة الذين فالمنتدى ..
والبقية ... انصحكم باستاجار مترجم
::
فواحد النهار .هجم واحد الوحش علا المريكان. و بداو الدول تيتضامنو معاها. ها لي سيفط النووي ها الي سيفط السوارخ. المغاربة صيفطو ليهم مخزني. مشا داك المخزني عند داك الوحش. المرة اللولة قال ليه المخزني شي حاجة و هو يبدى تيبكي النهار كلو. لغدا عاوتني قال ليه المخزني شي حاجة و هو يبدى تيضحك النهار كلو. لغد عاوتني قال ليه المخزني شي حاجة و هو يغبر "هرب". ملي جا المخزني للمغريب سولوه شني كنتي تتقول لداك الوحش. جاوبهم " قلت لو خدام مخزني فلمغريب و هو يبدى تيبكي النهار كلو. و من بعد قلت لو كانشد 20000 ريال فالشهر و هو يبدى تيضحك النهار . و المرة التالتة قلت لو غانديك للمغريب.
:burnout
قاليك هذي واحد الثانوية عملت رحلة لواحد الجزيرة مشاو في الطيارة و الطيارة وقع ليها عطب تقني.. والبيلوط ديال الطيارة تسيب بالباراشيت باش يعتق راسو المهم التلاميذ بقاو غير بوحدهم فالطيارة ناضو صحاب الشعبة ديال التيكنولوجيا صلحو العطب حتاش قاريين داكشي.. وصحاب العلوم الرياضية معا عندهم معا الزوايا والقياسات ساقوا الطيارة ... والأدبيين مالقلو مايديرو وهما يقولو ليهم (آه كدنا أن نقع) ههههههههههههههههه
:burnout
قال لك هذا واحد جا يضرب الصداق أو جابها فالعدول
قال لك هذا واحد جراتلو كرشو أوهوة يجري موراها
قال لك هدا واحد وقفلو قلبو أهو يعطيه الكرسي
:burnout
قال لك هدا وحد السوسي هو يلاه دخل لدارو أومراتو قلتلو أنا خصني الشامبوان pantene جا هو شبرها أو قرعلها الشعر كامل أو قاليها عندك الزهر طلبتي الشمبوان أما إدا كنتي طابتي colgate خدي طياحتليك السنان ههههههههههههههههههه
:burnout
قال لك هدا واحد بغا يبني المستقبل ديالو ; ولكن ما لقاش الياجور هههه
قال لك هدا واحد بغا يقطع الطريق ; ولكن ما لقاش لمقص هههههههههه
قال لك هدا واحد بغا يضرب تلفون ; ولكن بقا فيه مسكيييييييييين هههه
قال لك هدا واحد طاحت عليه فكرة ; هرساتلوا راسو ههههههههههههه
هذا واحد الراجل كان غادي في الزنقة وقفات عليه واحد الشوافة وقالت ليه عطيني غير 100 درهم و نقول ليك اشنو عندك قال ليها كون كنتي كتعرفي بالصح كون عرفتي بلي ماعندي دابا حتا ريال في جيبي
:burnout
هدا واحد الفقيه كان خارج يصلي الفجر, فطريقو لجامع قطعت ليه واحد الشجرة فيها شوك الجلابة ديالو, هو يتعصب بزاف معا ديك الجلابة تتجي معاه, هو يكتب حدا ديك الشجرة " تحت هاد الشجرة كاين كنز "
لاغاذا ناض يصلي الفجر لقا الشجرة محيدة من بلاصتها مرمية هو يقول ليها ها لي باقي يقطع الجلالب !!!
:burnout
واحد الراجل عرض على صحابو يجيو عندو لدار, ملي جلسو شوية هدروا قال ليهم شنو نسبقو أتاي ولا العشا ؟؟
قالو ليه العشا ! هو يقول ليهم توكلنا على الله نوضو تصليو !!!
هادو وحدين بغاو إيشوفو رمضان واش كاين أولا لا، هوما إيسيفطو واحد لمكلخ قالو ليه : سير لسطح أو شوف لينا لهيلال واش كان أولا ما كاينش . هو يطلع و بدا إقول ليهوم : كاين......ما كاينش !!كاين......ما كاينش !!كاين......ما كاينش !! - شاف هو لهيلال تاع لفرماسيان كاي شعل وي طفا -. ههههه
موضوع: مجموعة نكت مغربية 
الجمعة يوليو 18, 2008 1:38 pm
ا 
