الجتارات أنواع
(( بتكلم عن الأنواع مش الموديلات ))
أولا
Classic Guitar
بيجى حد يسألى ايه الفرق بينه وبين الأكوستك (ده النوع التانى اللى هنتكلم عنه ان شاء الله)
الفرق بسيط جدا هوه ان الكلاسيك الـ3 أوتار اللى فوق معدن والتلاته اللى تحتيهم نايلون
أما الأكوستك هو صوته احسن لكن مش ينفع تبدأ تتعلم عليه لأن اوتاره معدن
نبدأ بالموديلات
فى منه الصينى واليابانى والأيطالى والأسبانى والألمانى
1-الصينى:
Suzuki
وده زى مابيقولوا احسن الوحشين
سعره يتراوح بين 260-450 جنيه
أما اماكن بيعه فى القاهره
انا معرفش غير اتنين
1- واحد فى شارع 9 فى المعادى اسمه Destingo وده بيبيعه بحاول 260 جنيه ((انا سألت عليه من حوالى اسبوعين)
2- فى 24 شارع البستان - باب اللوق - بجوارمترو محمد نجيب
ت: 23915243
اسم المحل:شركه جوهره الفن
سعر السوزوكى عنده حوالى 450 جنيه ((لأنه ماسك التوكيل بتاعه ))
دول المحلين اللى اعرفهم بيبيعوا النوع ده
2-الماركات الـ
فى ماركات تانيه كتير زى فلانتينو و كمان دنيا وغيرها
بالنسبه للسعر دول من حوالى 180-250
على فكره صوتهم سيء جدا لأن الخشب بيبقى من اسوأ الأنواع
3-فى كمان الـAsh
انا بصراحه مش عارف ايه نوع الماركه دى لكن من كلام ناس كتير بيقولولى هى كويسه
4-الماركات التانيه زى الأيطالى والأسبانى والألمانى
دى اكيد مدام مش صينى تبقى حلوه مجرد وجهه نظر لحسن حد يكون هنا صينى ولا حاجه
هنتكلم على بقيه الأنواع
زى مثلا
Alvaro E800
النوع كلاسيك والموديل اسبانى
وفى كمان المشهور اوى بيننا
Yamaha
بصراحه انا معرفش سعر ده كام
ننقل للنوع التانى
ِAcoustic Guitar
]النوع ده نبدأ نفكر فيه لما صوابعنا تنشف من اللعب على الفريت بورد لأن الأوتار معدن
APX9 Acoustic Guitar
ياماها
ده الـIbanez Acoustic Guitar
هقولكم على حاجه كمان
فيه محل اسمه شركه الشمس فى شارع محمد على بيدى ضماان على الأوتار والمفاتيح
يعنى لو وتر اتقطع منك انت مش مضطر تشترى الـ6 اوتار
لأ
انت ممكن تشترى وتر واحد بس بدل اللى اتقطع
ولو لا قدر الله انكسر مفتاح انت بتشترى جنب واحد بس بحوالى 25 جنيه بدل ما تشيل الأتنين
العنوان :
154 شارع محمد على -القاهره
ت: 23931758
وكمان الاكوستك بيبقى الـNeck بتاعه أرفع وأطول
الكلاسيك بيبفى أقصى وأتخن
الأكوستك صوته بيبقى أقوى وأعمق وتقيل على الودن
الكلاسيك صوته بيبقى رقيق إلى حدٍ ما
اللي اعرفه ان الياماها بتبقى اسعاره في الـ 600
معلش انا متحيز شوية للياماها
بس عاوز اضيف كام حاجة كدة
_________________
Oo محلات الجيتار و اماكنها oO
* محلات شمس *
الفـــــــرع الرئيســـــى
216 ش رمسيس - القاهرة ( ت: 26845208 )
فرع شهـــــــاب
14 ش شهاب بجوار التوحيد و النور - المهندسين - الجيزة ( ت: 33388743 )
فرع محمد على
154 ش محمد على - القاهرة ( ت:23931758 )
فرع مديـــنة نصــــر
81 ش طريق النصر - بجوار طيبة مول ( ت: 24028907 )
________________
* جوهرة الفن *
فرع محمد على
160 168 ش محمد على العتبه ( ت: 23919909 - 23915243 )
فرع مديـــنة نصــــر
15 ش الطاقه مدينه نصر ( ت: 22877714 - 22877713 )
_______________
* أماكن أخرى *
فرى ميوزك
19 ب ش نخله المطيعى ميدان تريومف مصر الجديده ( ت: 26435858 - 26435757 )
فيفو للالات الموسيقيه
156 شارع طيبه ( ت: 5919529 - 5914554 )
دار الموسيقى
83 ش شبرا ( ت: 22028443 )
((( و عامة شارع محمد على مليان محلات جيتار كتير )))
_________________
Oo نصائح قبل شراء جيتار جديد oO
أولا لو انت مبتدئ يعنى لسة هتتعلم ..... نصيحة اشترى ( Classic Guitar ) و ابعد عن الAcoustic و الElectric
الجيتار اللى هتشتريه هيبقا فى حدود 250 - 350
تروح المحل تدخل بثقة و تحسس الراجل انك فاهم انت بتشترى ايه
و تختار جيتار ... و تاخد وقتك تماما , تتأكد ان الاوتار ال6 مش بتزن , و تتأكد ان الجيتار مافيهوش خدش , و ان المفاتيح ال6 بتلف زى الفل , و أن رقبة الجيتار مستقيمة و مش معووجة
و بعد ما تشترى , تخلى الراجل يديك مع الجيتار جراب و Pick
* الأنواع المفضلة *
Suzuki , Ash , Crimona
و ابتعد عن
Hohner , Donia , Valentino
انا بس هقول عنوان شمس وجوهرة الفن في مدينة نصر بالتفصيل لاني رحتهم الاتنين
اولا شمس مدينة نصر
لما يكون طيبة مول في طريق النصر علي يمينك ونتا ماشي بعدها بكم محل هاتلاقيه علي طول في الدور الارضي...
تاني واحد جوهرة الفن مدينة نصر
طبعا اي حد في مدينة نصر عارف بوابة النادي الاهلي الخلفية اللي بيتطلعلها مطلع من طريق النصر برضو المهم هو في الشارع اللي فيع بو النادي الخلفية بس بعدها بمسافة هيكون علي الشمال لما النادي يكون عدي وهو علي اليمين والشارع فعلا اسمه شارع الطاقة ولو حد راح سال هناك هيدلوه علي مكان يتعلم فيه برضو في مدينة نصر ....
انصحك تجيب سوزوكى ده احسن حاجه ومعايا
وصوته عشره على عشره
اما المكان اللى ممكن تجيب منه
ممكن تروح شارع الازهر اللى هو جنب شارع عبد العزيز اللى فى العتبه
فيه محل اسمه صوت الفن المكان ده مضمون جدا
وسعر السوزوكى بيبقى 320 اما فى المحلات التانيه هايقولولك 350
سوزوكى كورى ب 320 جنيه
أنا بنصحك بجيتار Yamaha C-40 لأنه عنجد جيتار روعة ولمعلوماتك الجيتار هاد سعره مناسب جدا
انا عندى جيتار أش بس الكتريك و اقدر اقولك انو جيتار حلو و سعره مناسب بس نصيحة انزل اشترى الجيتار من ماندو فى شارع القصر العينى أو شمس قبل بداية عباس العقاد و سعره بيتراوح من 200 إلى 300 جنية بس مش حتندم. ركز على نوع خشب الجيتار لأنه بمرور الوقت بيطاووس مع الرطوبة و الحرارة و يتحين تختار النك بتاعة الجيتار مصنوعة من خشب الورد