كل مبتدأ يريد التعلم يدخل هنا (( من الالف ألى الياء))

كلنا منعرف السلم الموسيقي Do, Re, Min, Fa, Sol, La, Si ...
(في الهم تسميه تانية وهي C, D, E, F, G, A, B) ......طيب في غيرهم؟

الاجابه طبعا فيه وعشان اسهل الامور راح اشرحلكم اياها بشكل مبسط

النوتات Do, Re, Min, Fa, Sol, La, S هم المفاتيح البيضاء في البيانو وما بينهم (نصف النوته) هي المفاتيح السوداء....انظر الرسم



وهدول النوتات اسمهم 'sharp' ومنرمزلهم باشارة #

يعني النوتات همه:

Do- Do#-1
Re- Re#- 2
Mi- Fa ما في نص نوته بين المي والفا
Fa- Fa#- 4
sol- Sol#- 5
La- La#- 6
Si- DO- 7 ما في نص نوته بين السي والدو
------------------------------------------------------------------------------------------
ما هي الاوتار الموجودة في القيتار:

اوتار القيتار هي (من الاصغر للاكبر): Mi, Si, Sol, Re, La, Mi... ممكن نسميهم E, B, G, D, A, E او First, second, third, forth, fifth & Sixth.

بالاشارة للسلم الموسيقي مين بعرف وين منلاقي هدول النوتات في القيتار؟

الاجابه في الرسم اللي في الصورة:





المرة الماضيه حكينا عن السلم الموسيقي والنوتات الموجوده في القيتار. وعرفنا انه في النوتهFull Step وفي النص نوته او Half Step.

طبعا انا طلبت منكم تحفظوا النوتات بصم عشان تصيرو تعرفوا وين ممكن تلاقوا نفس النوته في اكتر من مكان في القيتار... وتتمكنوا من فهم القيتار وبصير العزف اسهل وامتع... القصد... تخيل انك بتعرف تعزف اغنيه على وتر واحد بعدين صرت تعرف تعزفها على وترين.. بعدين تلاته ...او حتى جميع الاوتار... اكيد فيها متعه اكتر.

اليوم بدنا نحكي عن هيكل الاغاني وهو الكورد Chord. وزي ما في نوتات دو ري مي في كوردات دو ري مي... جميع الاغاني في العالم تتكون من مجموعة كوردات ممكن تكون 2 زي اغنيه حميد الشاعري 'بسكوت زماني يفوت...الخ' او 3 كوردات زي اغنيه برايان ادامز Every thing i Do i وممكن 6 كوردات واكتر زي الجاز والفلامينكو..... على فكرة الميتال والجوثيك بكون فيه 3 - 4 كوردات بالكتير
وهي الكوردات بالماجور والماينور فرفقين حسب الرسم ادناه.

- ملاحظات على الرسومات:

1- في بعض الكوردات بالMajor فقط والسبب انه الMinor تبعهم صعب شوي.
2- بالنسبه للكوردين الفا والسي بتستعملوا الاصبع الاول عشان تمسكو جميع الاوتار اللي تحت بعض والاصابع 4.3.2 لبقية الاوتار.... يعني متل هاي الصورة



نهايه حاولوا انكم تنتقلوا من كورد لكورد بسرعة وانتبهوا انه الصوت يكون نت وواضح في جميع النوتات وعلى جميع الاوتار... لما تحط الكورد اضرب كل الاوتار مع بعض بعدين واحد واحد وشوف كيف بطلع السوط... بدها ممارسة وراح تتغلبوا بالسي والفا بس لازم تكون عندكم ارادة.

تمرين حلو للتبديل الكوردات ...la minor, Mi Major, Re Minor, Sol, وضلكم عيدوا
وجربوا كمان تمرين تاني Si minor, Sol, Mi minor, LA Major, Re Major وضلكم عيدوا

وانشاء الله المرة الجاي منبلش نتمرن على اغاني وتصيرو محترفين

رجاء شباب... كان ممكن اطول رسم الكوردات من النت و انزلهم في البوست.. انا حبيت اعطيكم اشي بسيط وسهل قدر الامكان وما في اي تعقيد ممكن تلاقوا في النت. ارجوكم ارجوكم انكم تقدروا تعبي والجهد اللي بذلته عشانكم في رسم الكوردات والشرح عليهم... وعشان هيك تعلموهم واحفظوهم منيح ...بليز يعني

[IMG][/IMG]

[IMG][/IMG]

[IMG][/IMG]